美邦 - 利用中介公司推銷健康檢查?????

溫先生接到「專業醫療」的「姑娘」致電推介驗身套餐，但原來「專業醫療」只是專做電話推銷的廣告公司。（江永健攝）
投訴
廣告公司扮醫療機構　 Sell體檢
有讀者收到聲稱是「醫療協會」的姑娘電話，推廣「癌症測試」，卻發現收錢的是美容纖體公司，追查下揭發所謂醫療協會只是廣告公司，癌症測試更是效用有限，電話推銷方法層出不窮，市民務必小心！
先生早前接到自稱「香港專業醫療協會」（下稱「專業醫療」）陳姑娘的電話，推銷癌症專科檢查，溫指該陳姑娘稱獲得癌症協會資助，以低價「推廣」抽血驗癌體 檢套餐，每套檢查包括六個項目，總值一千七百多元，購買後可轉名予親戚朋友，使用前與職員預約即可。溫以為計劃獲非牟利癌症關注組織支持，遂以信用卡過數 五千三百多元買了三套檢查，然而過數記錄上的收款人，卻是美容纖體公司「 RX Beauty」。
後來溫於網上發現「香港防癌會」等機構曾發聲明，澄清從無與私營機構合作搞驗身計劃，又見「專業醫療」的來電號碼，原來曾被踢爆是推銷電話，感到不妥於是 要求陳姑娘退款：「點知佢話做 test嘅試劑已經寫咗我個名，而且早已表明自己係私營機構，所以唔會退錢。我覺得應該公開佢哋誤導人嘅手法，等其他人有所警惕！」溫先生無奈地說。
記者致電「專業醫療」陳姑娘表示有意接受癌症檢測，她表示負責的體檢中心「美邦」為甲級化驗所，抽取顧客 5-10cc血液後，會將血轉為血清，並以試劑測試鼻咽、肝、胃、大腸等癌指標，她更肯定地說︰「可以 test到有無癌症，大型醫院都係咁 test。」


有醫生指即使接受完這一系列的癌症檢測項目，都無法證實是否患癌。（江永健攝）


RX Beauty的職員（黑衫）表示，未聽聞公司與「專業醫療」合作開設癌症檢測驗身計劃，表明「我都好想知點解會話係我哋公司收錢。」


RX Beauty於○八年成立，股東為唐威寶、李潔儀，公司從事美容纖體服務，於銅鑼灣、尖沙咀、荃灣都有分店。


提供癌症檢測的體檢中心「美邦」，發言人表示檢測的效用將交由相關同事解答，惟至截稿前本刊仍未收到相關回覆。
專家話：無病徵唔使驗


臨床腫瘤科專科醫生應志浩指，癌指標不時出現假陽性、假陰性，單靠此根本無法證實是否患癌。
香港防癌會癌症探測及預防委員會主席應志浩了解「專業醫療」推銷的檢測內容後，直言測試效用不大，例如其大腸癌測試「腸癌指標 CEA（癌胚抗原）」，其度數其實亦受肺癌、乳癌影響；至於比較準確的前列腺癌指標 PSA（前列腺特別抗原），若病人患有前列腺炎、前列腺肥大或尿道炎，度數也會偏高：「一○年美國預防醫學委員會發咗指引，任何年齡嘅男士無可疑症狀下， 都唔建議做有關檢查。連唯一比較準嘅前列腺癌指標都唔建議驗，其他項目就更加唔使講啦！」
他補充指，癌指標不時出現假陽性、假陰性，單靠此根本無法證實是否患癌。他又說：「成幾百蚊先做一項測試，一啲都唔平，健康嘅人無病徵，做番傳統身體檢查就足夠。」
廣告公司扮醫療協會


廣告公司推銷體檢
本刊追查「專業醫療」的背景，發現該公司實為廣告公司，從事電話推銷，登記地址在旺角商廈。根據公司註冊處資料，以此地址註冊的公司除了「專業醫療」，還 有一間「南太平洋國際有限公司」，兩公司的股東同為張杰；「南太平洋」亦從事電話推銷，長期替 RX Beauty推銷美容服務，更曾被揭發涉嫌以電話游說市民當 RX Beauty的「神秘客戶」，最後卻擅用客人信用卡資料碌卡收費。
回應：借用收費系統
「專業醫療」發言人李先生承認公司專營市場推廣，為「美邦」推銷癌症檢測，只是中介角色；他又與 RX劃清界線：「我哋同 RX無關係，只係借用 RX嘅收費系統，最後係我哋收錢，佢哋肯免費借個系統出嚟，純粹係因為我同 RX老闆係朋友。」
至於曾為 RX推銷的「南太平洋」，他則解釋：「我哋係兩間分開嘅公司，佢哋同 RX合作，我哋就同體檢中心合作，只不過係用同一個 office。」
另外，「美邦」發言人趙先生承認與「專業醫療」合作，但表示與 RX並無合作關係。律師伍家賢則提醒客人幫襯電話推銷前，須小心認清誰是服務供應商：「一般而言電話推銷公司只係中介人，對客人係無合約責任，隨時可置身 事外，有咩問題都只係你自己追究服務供應商，所以客人要自己小心。」而消委會亦指腫瘤指標未必是理想的驗癌工具，呼籲市民決定接受體檢前向家庭醫生查詢。
經本刊轉介投訴後，專業醫療已經向投訴人退回所有有關費用。
（陳凱敏、周潔媚）
壹判官
廣告公司為銷客扮醫療機構，市民幫襯前切記問清背景！劣劣劣劣（五個劣為最嚴重）

盈 康 企 業 （ 資 訊 ） 有 限 公 司 = 美 邦 醫 學 檢 驗 中 心 ???

消 委 會 發 言 人 表 示 ， 包 括 化 驗 所 在 內 的 醫 療 集 團 投 訴 有 上 升 趨 勢 ， 2004 年 有 49 宗 ， 2005 年 有 91 宗 ， 去 年 則 飆 升 至 235 宗 。 發 言 人 解 釋 ， 去 年 有 一 間 以 電 話 推 銷 醫 療 服 務 的 中 介 公 司 倒 閉 ， 接 獲 不 少 投 訴 ， 令 投 訴 數 字 上 升 。發 言 人 指 出 ， 收 到 有 關 化 驗 所 的 投 訴 主 要 涉 及 推 銷 手 法 、 購 買 服 務 後 發 覺 費 用 未 如 計 劃 所 稱 的 便 宜 ， 以 及 未 清 楚 計 劃 內 容 已 被 過 數 等 。 她 提 醒 市 民 ， 預 繳 消 費 存 在 風 險 ， 消 費 者 購 買 服 務 宜 三 思 。法 律 界 人 士 鄧 達 明 指 出 ， 如 事 件 沒 涉 及 詐 騙 成 份 ， 客 戶 只 能 循 民 事 途 徑 追 討 ， 但 鄧 對 討 回 款 項 的 機 會 不 感 樂 觀 ， 「 呢 預 繳 式 消 費 存 在 風 險 ， 如 果 間 公 司 執 笠 ， 屬 於 冇 抵 押 債 權 人 客 戶 可 以 得 番 錢 機 會 ， 真 係 凍 過 水 。 」

消 費 權 益 ： 市 民 墮 電 話 推 銷 驗 身 陷 阱　以 信 用 卡 過 數 　 預 約 服 務 才 知 停 業

有 市 民 早 前 接 獲 一 間 名 為 「 盈 康 企 業 （ 資 訊 ） 有 限 公 司 」 來 電 ， 推 介 兩 項 健 康 檢 查 服 務 ， 合 共 2,000 餘 元 ， 一 年 有 效 期 內 可 到 指 定 化 驗 所 驗 身 。 惟 預 約 服 務 時 卻 未 能 聯 絡 此 公 司 ， 疑 已 停 業 ， 市 民 大 歎 中 招 。 消 費 者 委 員 會 提 醒 市 民 ， 預 繳 消 費 存 在 風 險 ， 購 買 前 宜 三 思 。趙 先 生 去 年 中 ， 接 獲 盈 康 企 業 （ 資 訊 ） 有 限 公 司 （ 下 稱 盈 康 ） 的 員 工 來 電 ， 向 他 推 銷 一 個 身 體 檢 查 套 餐 ， 當 中 包 括 37 個 檢 查 項 目 ， 費 用 780 元 ， 另 外 又 推 介 一 個 檢 驗 癌 症 的 套 餐 服 務 ， 費 用 1,800 元 。 他 被 價 錢 吸 引 ， 遂 提 供 信 用 卡 資 料 予 對 方 過 數 。 其 後 他 收 到 兩 份 驗 身 通 知 書 ， 註 明 驗 身 項 目 、 有 效 期 、 驗 身 公 司 「 美 邦 醫 學 檢 驗 中 心 」 地 址 等 。 本 年 1 月 ， 他 致 電 盈 康 以 便 預 約 化 驗 所 驗 身 ， 但 根 據 驗 身 通 知 書 及 名 片 上 多 個 電 話 ， 均 無 法 聯 絡 ， 「 我 足 足 打 一 個 月 ， 所 有 電 話 都 冇 人 聽 ， 全 部 轉 晒 去 留 言 信 箱 。 」趙 先 生 遂 致 電 驗 身 通 知 書 上 、 位 於 尖 沙 嘴 金 馬 倫 道 的 美 邦 醫 學 檢 驗 中 心 ， 該 化 驗 所 職 員 稱 「 不 關 該 公 司 事 」 ， 只 能 酌 情 提 供 三 折 優 惠 讓 他 繼 續 進 行 驗 身 服 務 ， 他 感 不 合 理 ， 沒 有 接 受 。 他 坦 言 ： 「 預 錢 凍 過 水 ， 不 過 最 衰 係 介 紹 埋 阿 哥 用 呢 個 服 務 ， 連 累 佢 都 中 招 。 」 記 者 向 公 司 註 冊 進 行 查 冊 ， 資 料 顯 示 盈 康 登 記 地 址 為 葵 涌 大 連 排 道 貴 盛 工 業 中 心 第 2 期 G 座 2 樓 13 室 ， 記 者 登 門 了 解 ， 發 現 G 座 單 位 內 設 有 十 多 間 公 司 的 分 租 寫 字 樓 ， 單 位 門 外 有 水 牌 ， 但 已 沒 標 示 13 室 的 公 司 名 稱 。 記 者 到 13 號 敲 門 ， 良 久 沒 人 應 門 。記 者 又 根 據 趙 先 生 提 供 的 盈 康 聯 絡 電 話 致 電 ， 其 中 三 個 是 空 號 ， 另 一 個 手 機 號 碼 則 轉 駁 到 留 言 信 箱 ， 留 言 後 一 直 沒 收 到 回 覆 。記 者 致 電 美 邦 醫 學 檢 驗 中 心 查 詢 ， 該 公 司 客 戶 服 務 部 一 名 資 深 職 員 譚 先 生 回 應 ， 與 盈 康 屬 生 意 合 作 關 係 ， 該 化 驗 所 替 盈 康 轉 介 的 客 人 提 供 驗 身 服 務 後 ， 才 會 收 到 盈 康 以 月 計 的 拆 賬 。 譚 先 生 續 說 ， 2 月 份 收 到 盈 康 通 知 ， 因 經 營 困 難 而 結 業 ， 並 留 下 一 個 聯 絡 電 話 ， 但 目 前 已 無 法 聯 絡 有 關 人 士 ， 該 中 心 目 前 共 收 到 數 名 盈 康 客 戶 查 詢 。 譚 先 生 強 調 ： 「 客 人 邊 （ 盈 康 ） 買 服 務 ， 我 未 收 過 客 人 錢 ， 如 果 要 我 提 供 驗 身 服 務 ， 就 好 唔 公 平 。 」美 邦 醫 學 檢 驗 中 心 於 本 月 2 日 在 報 章 刊 登 聲 明 ， 與 盈 康 劃 清 界 線 ， 表 明 與 盈 康 的 客 戶 無 合 約 關 係 。 記 者 對 比 兩 間 公 司 的 查 冊 資 料 ， 發 現 兩 間 公 司 旗 下 股 東 沒 有 相 同 名 稱 。

香港優質體檢 = 美邦???

香港優質體檢 --一肚氣的體檢經驗!!

由於今年身體狀況不太好, 三個月前又生蛇, 一直都想 " d" 起心肝去做體檢, 睇來睇去就唔知係邊度做好, 由於婚前檢查係美邦做, 已經有不太好的經驗, 所以"美邦"已經係 blacklist 左!!
咁q 上個星期接到"香港優質體檢 "cold call", 就叫佢地send d info 俾我, 我覺得價錢和內容合理, 一個人 $ 980 , 二人同行 $1560, 我就叫埋我老公一齊去, 佢地仲有人上門收票和俾定兩個化驗樽 ( 留大便)!
返到屋企一睇張"驗身卡", shit, 咪又係 "美邦" 化驗中心....想死!!
唔係最精彩, 最精彩係, 我一早已 book 了 十一點, 去到人山人海 (我係平日做!!), 心知不妙, 唔通唔做咩 !! 做了登記之後, 等了一個鐘叫名, 原來只係叫你留大小便, 跟住又坐, 又等叫名, 已經足足等了兩個鐘, 係咩體檢都未做!! 我不斷問姑娘幾時到我, 姑娘只叫我 " 等"!! 我都知姑娘忙都死, 個問題係間診所根本唔可以一日做咁多客, 又要迫住做!! 劣劣劣!!
等到 1:15pm, 終於叫我個名啦.....感謝神!!, 個姑娘好 rush 咁幫我做度高磅重, 抽血, 做吹波仔, 驗骨質疏鬆, 最後做心電圖, 根本衫都未著返好, 姑娘已叫我走.....!!  最後個體檢只做了25分鐘, 點解咁快, 因為佢地要趕放 lunch , 仲唔快手又"拿西"係咁做 lor...!!
大家都知道驗身, 又要留大小便, 間診所只有兩個洗手間, 經常要排大隊!! 仲有, 叫人體檢前 6-8 個小時唔可以食野 ( 只可飲清水!), 我前一晚九點鐘食左飯之後, 就等到下午1:45, 大佬, 成16個鐘頭無食個野呀, 我平時無食早餐都唔得ga!!
我勸大家要小心呀, 做體檢要搵間有信譽ga, 唔好俾人搵笨!!

http://blog.yahoo.com/_ZUKQ7NKFOQAKYAWECZM2MVYCGU/articles/207545

 香港優質體檢 = 美邦醫學體檢有限公司  ???
mobile medical 


www.mobilemedical.com.hk