好嬲~~

之前JOIN左美邦婚前檢查+阿SA嗰D女性針,那當時那個男人話要醫生打,仲要星期六就一定要12點前,如果唔得既,護士幫我打都冇問題.

到左打第一支針,打完個護士就寫埋第二及第三支針既日子,我當時即時睇下D日子,點知最後嗰支係星期一,我話想星期六下午,嗰護士: 你打第二支之後,問D同事查下第三支星期六有冇問題,好啦,咁到時再問.

到打第二支,去到佐敦,點知佢地同我講,今日冇護士,護士去左其他地方做野.

我:下...你地冇提前通知我喎

佢: 唔好意思,我幫你改另一日

我: OK (好無奈),咁約下個星期六

佢: OK,冇問題

之後打完第二支針,我就問佢地

我: 最後嗰支約左1月7號,係星期一,我想改為1月5號星期六下午

佢: OK,冇問題

我: 真係冇問題?真係嗰日有護士幫我打針?

佢: 真係冇問題,嗰日有護士幫你打的

我: OK (放心)

聽日就打最後一支針,唔知仲咩心血來潮打去問聽日係唔係有護士,唉...唔打既話,我又會白撞多次,結果係聽日冇護士打,仲要話唔會再有護士打針,一定要醫生打.

我: 你地聽日冇護士幫我打針,你地都唔會通知我,如果唔係我打黎,我又要白撞多一次

佢: 唔好意思,而家一定要醫生打,護士唔打得,平日打OK?

我: 要返工,同埋之前我已經重覆問你既同事聽日係唔係一定有護士幫我打,你地覆話有

佢: 而家改左一定要醫生

我: 而家係你地錯,你地叫護士返黎又好點都好,我一定要星期六下午打

佢: 轉頭回覆你

過左一陣,佢打黎

佢: 星期六醫生12點放工,你可唔可以12點前黎到

我: 我收12:30,你地做錯,你地諗辦法解決

佢: 咁樣...我轉頭再打比你

又過左一陣

佢: 同左醫生傾,平日你6點半黎,OK?

我: 我收6點,趕唔切,你同醫生講7:00到

佢: 醫生收6點,因為你呢件事,佢會遲半個鐘走

我: 成件事你地工作有問題,明知冇護士又冇提前通知,明知改左一定要醫生打,你地冇通知

佢: 因為你2012年JOIN

我: 唔理我幾時JOIN,個客JOIN左你地服務,你地係唔係有責任有咩變動都要主動打比客人

佢: 咁我再同護士及醫生傾下,轉頭覆你

好炆~咩公司黎架,有咩變動唔打黎通知我,要個客主動打黎先知,仲要感覺自己公司冇錯,醫生遲放半個鐘,我係唔係要好感激你地,我阿頭聽我講電 話,佢話:你同佢講,你地咩服務黎架,如果星期六下午冇得打,1) 退返所有錢,打完嗰2支係唔會退 ,2) 你地咁做野,我會投訴你地

而家睇下佢一陣個電話點覆我,唉~~JOIN左一間冇責任既公司

 

***岩岩打比佢,佢話搵個幫我打,唔係醫生,護士,我問佢:吓...佢識唔識架,如果有咩事,我唔想投..未講完佢就話:唔會的,如果有事最大獲係佢地公司,所以冇事既,所以聽日照正常2點去,希望平平安安啦

 

 

回覆

annacmakeup 2013-01-06 18:49

我都幫襯過一次, 以後都唔再去
我驗到子宮細胞有d病變, 護士打黎講報告
護士: check到你子宮細胞病變
我: o下, 即係咩病呀
護士: 我地唔知架, 你自己搵專科醫生check啦, 可能係子宮頸癌
我一聽到係子宮頸癌就即刻喊左出黎, 收線後打電話比媽咪, 亞媽都嚇到傻.
第2日即刻上去美邦拎完份報告就去睇專科, 個醫生一睇個報告未check我身體已經話, 唔洗擔心, 好少事......
原來只不過係細胞有d變化, 10個女人有6個都會, 只係如果你完全唔理佢唔check住, 過左3,5,7年就有機會變成子宮頸癌.
頂, 我擔心住成晚, 痴線架.
我打去投訴, 點知佢地話: 如果個護士唔係咁講, 你唔識驚就唔會重視依個問題, 咁過多3,5,7年你可能真係變成子宮頸癌.
你都痴線架, 醫生就係要按住報告客觀地反影比病人知, 而唔係咁囉.
咁唔通咳2聲, 你可以同個客講你可能有肺癌咩, 激到我死.
仲令媽媽擔心左成晚~ 以後都唔鬼去.

 

回覆

八雲 9月前

小心這間嘢, 做事不負責任, 我女友打子宮頸癌針, 之後暈咗, 叫白車入醫院, 心跳得返四十幾, 差D死, 留言無人覆, 找了他們三日, 終於找到他們, 暫時佢地只肯賠二,三針錢, 其他唔負責, 現找消委會跟進中.

 

 

非常惡劣的婚前檢查經歷@美邦(佐敦)

http://wow.esdlife.com/space.php?uid=48826&do=blog&id=193843

BOOK果時有無咩唔愉快經歷就唔記得啦,太耐之前

但檢查果1日、聽REPORT果日所發生既惡劣經歷就好記得!

檢查果1日, 上到去都幾多人, 等左成30MINS先到我地

等咁耐..預約時間黎做乜?

姑娘無禮貌, 做野機械化, 無乜向我地解釋, 淨係要我地按指示走來走去.

度高磅重>>抽血>>驗尿>>完成

度高磅重--又要再輪侯

抽血--係我遇過抽血手勢最差的!事後我1星期都仲係又青又紫!!(有圖)
成個星期都發唔到力, 1用力就手痛 T^T

姑娘膠布果時望都唔望個位就貼, 我同佢講「你貼唔中喎!」

佢就MI左張膠布, 我隻手D血即時湧出黎, 佢就再貼另一張..

驗尿--姑娘完全無交代所過驗尿係最後1個STEP, 驗完可以走,

我以為驗完仲有其他程序, 坐係度等左陣, 之後問問RECEPTION, 佢先話完成所有檢查, 可以走

講完檢查果1日, 講下聽REPORT果日

佢打電話講解REPORT果時既速度係勁快!

又好似機械人上身咁~我問埋未婚夫果份, 佢話未READY好

過幾日我再打去問, 佢話我無權幫未婚夫聽報告內容

我解釋係因為未婚夫工作時電話唔會跟身, 怕你地搵極都搵唔到佢

佢堅持我唔可以幫未婚夫聽報告內容, 如果有需要, 要先辦D手續(...)

好啦! 我都明白! 涉及私人及公司政策. 算啦
佢係電話度D態度又差, 我都唔想再講下去~

到我未婚夫親身打上去問報告內容

佢竟然話「電腦顯示你已經聽左1次」

我未婚夫話無呀, 職員問「係咪老婆幫你聽左啦?」

我未婚夫話「我未婚妻無聽過, 因為你地有同事話無權幫人聽」

職員答「無理由架喎~只要講出身份證號碼, 就可以聽架啦喎」

我未婚夫「真係從來都無聽過」

心內已經火都黎, 曬咁多時間同你爭論!!

聽完REPORT, 過2日可以去領取
會即時再睇清楚D個報告內容

因為佢係電話度真係講得好快!!

如果有咩唔明白既地方, 唔知仲有無得問添 =(

佢果度D人咁忙..如果想問野,可能又要多上半小時, 唉!
唔推介這間店給大家..因為..

1. 輪候時間長

2. 欠缺講解

3. 服務質數差

4. 職員前言不對後語

5. 抽血手勢差!!

由於好多人留言問邊間, 咁我係度開名啦..
是次婚前檢查係係美邦-佐敦分店.

 

有無人係美邦驗丁丁係正常，但係係二度驗到有問題？

http://www.baby-kingdom.com/forum.php?mod=viewthread&tid=4783687

patpatbb:美邦害人精！我老公報告很好令他一路不肯看醫生，去仁安驗只有1%型態合格！死未？

tkdtkd: 多年前美邦驗過一切正常..但上年去驗竟然一條精虫都冇之後再去家計會驗都係話一條精虫都冇..家計會e生話你可以告美邦, 因e生摸到我c6根本有可能天生沒有輸精管. 搞到我地好嬲仲洗左好多錢做私家ivf如果當年排政府就唔洗咁la..因為做ivf亦都沒有錢告美邦了~

zarara188:我比呢間嘢害c!
好想告佢！原來咁多人比佢呃！


思思baby: 上年我係呢間做body check, 報告出左d事，之後我再去睇普通科，專科，佢地都話佢既檢驗方法，準備度好有問題。呢間係唔貴，但真係唔會再幫趁囉

香港專業醫療協會

香港專業醫療協會
響應政府要求全民驗身!?
要經信用咭公司批核有沒有資格接受贊助理!?
驗完話你知冇事，其實有沒有驗都唔知...

一肚氣既美邦婚前檢查!!

之前係ESD見到呢間婚前檢查package.. 千幾蚊兩個人...所以三月果時去荃灣做左，可能算平，好多人做，要預兩個鍾啦，不過d staff都幾nice，唔錯。佢問我報告想上佐敦中心聽定寄俾我自己睇，然後醫生電話解。我諗住上中心面對面方便d又詳細d，所以揀上佐敦聽，由於太多 人，所以要三個月後，即今日先得...

今日上到去，因為Mr Chan 未放工，所以只有我自己聽。約左18：00，等半個鍾先可以入去，一坐低，阿醫生就好趕甘指住堆數字一輪咀甘up份報告，1分鐘就搞掂我...早知，自己 睇算...甘我問醫生，Mr Chan 個報告呢？佢好唔耐煩:有冇授權書？有冇身分證影印？冇就唔得！因為我以為婚前檢查，我一個人可以羅埋，所以冇準備，算啦，甘我只係想問多句，可以點再約 聽報告，不過阿醫生已經起身準備行出房，唔耐煩，同出面護士約啦！

我出去同護士約，佢問我羅Mr Chan 身分證，我話冇吖，心諗，我點會羅住佢個身分證呢？佢呆左2秒，然後話，可以郵寄報告，再電話講解。我話好吖，甘佢比左張紙我填Mr Chan 個名同地址..寫完，又問，你有冇佢身分證？我再話，冇呀！佢又呆2秒。再問:有冇副本？我話:冇呀！然後，佢話:你可唔可以打比佢叫佢send 比你？我已經火火地，我話:佢開緊會唔得閒，唔得就算啦！點知，佢話:你有無佢身分證號碼？可以打比佢問下...我話冇呀！算啦甘..不過佢好似同我溝通 唔到，話:郵寄$10啦，幾日後會打比Mr Chan... 我比完錢，佢竟然話:你寫Mr Chan個名比我！我已經好燥火，頭先咪寫左羅！！

最辛苦係，果度冇冷氣，再加上醫生護士既"專業"態度，我真係一肚火

http://wow.esdlife.com/space.php?uid=29266&do=blog&id=152197

美邦婚前檢查 mobile medical

節錄自一對新人

http://blog.yahoo.com/_755UJI6KI2KMINULF4CNRJCJFI/articles/721780

婚前檢查
整個婚禮暫時都未碰到黑店/差既鋪頭...終於有啦...就算事前點做research都無用...
婚前檢查老婆揀左呢個美邦(mobile medical)...上網睇過話又平又好...
加上係婚展join既時候甘岩撞到老婆識既人sell我地...就信左佢啦...點知...
book左佢星期六11點做檢查...去到多人到排到出門口...
而且好多係帶個家傭來做檢查的...唔知我以為去左星期日既維園...
星期六人多ok無問題..呢個預左的...
問題係登記既護士態度奇差...忙既時間心情唔靚我明都算...一路等一路等...
十一點等左九個字都未俾返身份證我...問佢點啦...居然鬧返我地轉頭:
"登記張身份證係要九個字架啦! 你預左要等甘耐架啦! 係甘耐架啦!"
嘩! 你咩態度啊而加! 你係平不過唔係甘做野啊! 家下唔係唔洗俾錢wor!
再等幾個字正想嘈佢既時候就甘岩叫名...算...懶得同你嘈...
入邊既護士態度好好~我個邊既檢查就無咩問題~抽血度高鎊重測幅射~
(當然之前重要留尿同埋xx做檢查啦-0- 婚前檢查嘛...)
其實好快就攪定同約埋時間下個月睇report~
根本做檢查就好快...佢間野食唔到甘多客都死俾人book先係問題...
如果收唔到甘多客就咪俾人book啦...book完都係先到先得甘有咩意思...
行政係甘樣就算啦...反正都係一次姐...
諗住等睇report就甘完啦呢個task...點知返到去過左日...
抽血個位瘀左...根據我家的first aid人仕講係因為手勢唔好導致...
其實個日抽完就已經係甘爆血架啦...個護士話係正常wor...

再過多日情況更嚴重! 到今日都未散啊!
男仔就無所謂...女仔俾人甘整你我怕佢真係即刻走去問候佢啊...

報左呢間美邦(mobile medical)既準新人...自求多福啦...

美邦 - 利用中介公司推銷健康檢查?????

溫先生接到「專業醫療」的「姑娘」致電推介驗身套餐，但原來「專業醫療」只是專做電話推銷的廣告公司。（江永健攝）
投訴
廣告公司扮醫療機構　 Sell體檢
有讀者收到聲稱是「醫療協會」的姑娘電話，推廣「癌症測試」，卻發現收錢的是美容纖體公司，追查下揭發所謂醫療協會只是廣告公司，癌症測試更是效用有限，電話推銷方法層出不窮，市民務必小心！
先生早前接到自稱「香港專業醫療協會」（下稱「專業醫療」）陳姑娘的電話，推銷癌症專科檢查，溫指該陳姑娘稱獲得癌症協會資助，以低價「推廣」抽血驗癌體 檢套餐，每套檢查包括六個項目，總值一千七百多元，購買後可轉名予親戚朋友，使用前與職員預約即可。溫以為計劃獲非牟利癌症關注組織支持，遂以信用卡過數 五千三百多元買了三套檢查，然而過數記錄上的收款人，卻是美容纖體公司「 RX Beauty」。
後來溫於網上發現「香港防癌會」等機構曾發聲明，澄清從無與私營機構合作搞驗身計劃，又見「專業醫療」的來電號碼，原來曾被踢爆是推銷電話，感到不妥於是 要求陳姑娘退款：「點知佢話做 test嘅試劑已經寫咗我個名，而且早已表明自己係私營機構，所以唔會退錢。我覺得應該公開佢哋誤導人嘅手法，等其他人有所警惕！」溫先生無奈地說。
記者致電「專業醫療」陳姑娘表示有意接受癌症檢測，她表示負責的體檢中心「美邦」為甲級化驗所，抽取顧客 5-10cc血液後，會將血轉為血清，並以試劑測試鼻咽、肝、胃、大腸等癌指標，她更肯定地說︰「可以 test到有無癌症，大型醫院都係咁 test。」


有醫生指即使接受完這一系列的癌症檢測項目，都無法證實是否患癌。（江永健攝）


RX Beauty的職員（黑衫）表示，未聽聞公司與「專業醫療」合作開設癌症檢測驗身計劃，表明「我都好想知點解會話係我哋公司收錢。」


RX Beauty於○八年成立，股東為唐威寶、李潔儀，公司從事美容纖體服務，於銅鑼灣、尖沙咀、荃灣都有分店。


提供癌症檢測的體檢中心「美邦」，發言人表示檢測的效用將交由相關同事解答，惟至截稿前本刊仍未收到相關回覆。
專家話：無病徵唔使驗


臨床腫瘤科專科醫生應志浩指，癌指標不時出現假陽性、假陰性，單靠此根本無法證實是否患癌。
香港防癌會癌症探測及預防委員會主席應志浩了解「專業醫療」推銷的檢測內容後，直言測試效用不大，例如其大腸癌測試「腸癌指標 CEA（癌胚抗原）」，其度數其實亦受肺癌、乳癌影響；至於比較準確的前列腺癌指標 PSA（前列腺特別抗原），若病人患有前列腺炎、前列腺肥大或尿道炎，度數也會偏高：「一○年美國預防醫學委員會發咗指引，任何年齡嘅男士無可疑症狀下， 都唔建議做有關檢查。連唯一比較準嘅前列腺癌指標都唔建議驗，其他項目就更加唔使講啦！」
他補充指，癌指標不時出現假陽性、假陰性，單靠此根本無法證實是否患癌。他又說：「成幾百蚊先做一項測試，一啲都唔平，健康嘅人無病徵，做番傳統身體檢查就足夠。」
廣告公司扮醫療協會


廣告公司推銷體檢
本刊追查「專業醫療」的背景，發現該公司實為廣告公司，從事電話推銷，登記地址在旺角商廈。根據公司註冊處資料，以此地址註冊的公司除了「專業醫療」，還 有一間「南太平洋國際有限公司」，兩公司的股東同為張杰；「南太平洋」亦從事電話推銷，長期替 RX Beauty推銷美容服務，更曾被揭發涉嫌以電話游說市民當 RX Beauty的「神秘客戶」，最後卻擅用客人信用卡資料碌卡收費。
回應：借用收費系統
「專業醫療」發言人李先生承認公司專營市場推廣，為「美邦」推銷癌症檢測，只是中介角色；他又與 RX劃清界線：「我哋同 RX無關係，只係借用 RX嘅收費系統，最後係我哋收錢，佢哋肯免費借個系統出嚟，純粹係因為我同 RX老闆係朋友。」
至於曾為 RX推銷的「南太平洋」，他則解釋：「我哋係兩間分開嘅公司，佢哋同 RX合作，我哋就同體檢中心合作，只不過係用同一個 office。」
另外，「美邦」發言人趙先生承認與「專業醫療」合作，但表示與 RX並無合作關係。律師伍家賢則提醒客人幫襯電話推銷前，須小心認清誰是服務供應商：「一般而言電話推銷公司只係中介人，對客人係無合約責任，隨時可置身 事外，有咩問題都只係你自己追究服務供應商，所以客人要自己小心。」而消委會亦指腫瘤指標未必是理想的驗癌工具，呼籲市民決定接受體檢前向家庭醫生查詢。
經本刊轉介投訴後，專業醫療已經向投訴人退回所有有關費用。
（陳凱敏、周潔媚）
壹判官
廣告公司為銷客扮醫療機構，市民幫襯前切記問清背景！劣劣劣劣（五個劣為最嚴重）