美邦醫學中心婚前檢查差到爆!(長,慎入,但真心提醒各jm)
我之前Booking左美邦醫學中心做婚前檢查. 結果發現便野果然係冇好貨。我o個次一共拮左4次,換左3個姑娘先抽到血,仲係個傷口太大,止左4個幾字先止到血。(我以前一次已經抽到血,冇任何問題)。第一次個姑娘抽左手,拮唔到入血管,佢仲o係手入面撩針,我痛到同佢講停止,而隻手係即刻瘀左。於是佢搵左另一個姑娘幫我抽,呢個姑娘仲離譜,佢見我隻手瘀左,就拎d喜療妥俾我,叫我揸,話可以消腫去瘀,因為隻手痛,所以我就慢慢揸,點知個姑娘見到,一野捉住我隻手話你咁細力唔得,然後超大力咁捽我個傷口.事後我成隻手係痺左成3個星期,後尾我先知原來抽完血係唔可以捽個傷口。佢當時仲要冇換手套直接捽我個傷口!我留意左佢地好耐,佢地處理每個客人都唔會有習慣換手套。因為呢個都抽唔到血,佢又叫左另一個人黎抽,個姑娘見到我隻手瘀左就幫我check左check,佢話個姑娘拮錯血管,唔應該抽o個條,而且佢公司講明唔可以撩針,因為驚撩到神經線,佢仲叫我以後抽血遇到人地撩針就要即刻喝停佢,因為會好危險。我聽完真係o曬咀,心諗,你地唔係專業嫁咩,點解會咁……..雖然今次抽到,但因為同之前個傷口痴得太埋,所以變左一個大傷口,d血係咁流,,跟住我就坐埋一邊休息,諗住等止左血先做下一part既檢查,點知一等就成4個字,d姑娘趕住去食飯,我都未止完血就係咁催我去下part, 當時換左兩o舊都係血既棉花佢地都唔理。到去拎報告既時候,理都唔理你,係咁叫你等,態度又差到爆!我奉勸各位做body check要揀清楚,始終身體最重要!
呢間真係是是但但, 我去果陣, 個個護士求其到爆, 仲要個個好似趕時間咁, 幫我抽血果位姐姐幫我抽完血就懶快手咁 "O運" 支放血既管,
竟然可以跌到落地下, 有幾滴仲要係我對鞋度, 跌左少少血落地下, 支管 得番一半血, 佢都話OK 唔洗再抽, 你話係咪是是但但
沒有留言:
張貼留言