揾笨！身體檢查馬馬虎虎，連家庭醫生都斥責驗身報告無厘頭！話就話送免費營養師咨詢服務。結果營養師打死狗捉住唔放，即刻要科水參加三個月長的纖體計劃，成萬元的計劃，可以勁減到七千元，仲聲明唔好講俾人知！但係呢，就即刻碌卡過數云云！你話呢？有無咁大隻蛤乸隨街跳？
話時話，呢間美邦都夠晒把砲！檢查身體話就話有八十多樣報告，結果量體重、度身高、度血壓、抽吓血、吹波波，咁就搞掂！嗰個護士姑娘點睇都唔夠專業！器材嘛，就超低Ｂ！驗身室？冷冰冰！狹小如儲物室，根本上予人好唔PRO嘅感覺！
唔好話踩佢！事實上ESD又的確好賣力咁宣傳，七百幾八百就有全套服務，男女都有免費項目送！送完又點？而家都仲係呻笨！真係唔知點解連健康醫療服務都可以呃人騙鬼？？？！
沒有留言:
張貼留言